- اول شي تستخدمين قالب الكيك المفتوح من النص احسن والشكل يطلع احلى ماعندك استخدمي اللي يعجبك
2-ذوبي في القدر 4 فناجيل سكر قلبيهم الين مايصير توفي بس انتبهي لا يحترق بسرعه ويصير طعمه مر
انا استخدمت فنجالين لاني ماحب التوفي كثير والي حابه تكثر بكيفا
بعد مايذوب صبي مباشرة في قاع الصينية
(معليش ماصورت هاذي الخطوة)
3-جيبي 3باكيت كريم كراميل+2كأس ماء حار+فنجال سكر+4 ملاعق حليب بودرة...اخلطيهم في الخلاط وحطيهم
بقدر على النار لحد مايغلى وبعدين حطيه على التوفي بالصينية
(كمان اسفه الخطوة هاذي ماصورتها)<<<اجل ايش صورتي خخخخ
4-جيبي خليط الكيك الجاهز بيتي كويكر او العلالي او اي نوع انتي تحبين اخلطيهم على حسب التعليمات وصبيه على
الكراميل
واخيرا صورت خطوة من الخطوات
(شوفوا الكراميل باين من تحت الخليط)
5-طبعا سخني الفرن من قبل على درجة 180 من فوق وتحت وحطي الصينية في حمام مائي ودخليها الفرن لمدة
ساعه او ساعه الا انتي اختبريها بالعود اذا طلع ناشف اعرفي انهااستوت
6-بعد ماتستوي طلعيهامن الفرن وغطيها وخليها تبرد وبعدين دخليها الثلاجة كم ساعه
(اذا مستعجلة حطي في زبدية عميقه موية باردة وثلج وحطي الصينية فيها تقريبا نص ساعه وبعدين دخليها البراد )
7- بعد ماتحسين انها تماسكت طلعيها واقلبيها في طبق التقديم وبالعافيه